B2 - Bertsoa: Txorimaloburua - Kolegioko baliabide digitalak

Overview

Eskola-jazarpena gai osoa

Amets Arzallus Antia bertsolariak idatzi dituen bertsoak irakurri ondoan, galderei erantzun iezaiezu.

Txorimaloburuak 
Amak hainbeste tira
ohi dit belarria
ia ez daukat bere
lekuan jarria...
ta ahanzteko etxeko
ikara larria
eskolan bihurtzen naiz
ikaragarria.


Hemen aurkitu zaitut
panpinatxo galdu
zure sator muturrak
irririk ez al du?
Zer zabiltz, ez zazula
malkorik zabaldu
egizu nik bezala
beste bat zapaldu.

Lore beldurtuak
Besteek nire minak
ikus ez ditzaten
borreroa datorkit
aholku ematen...
Beste bat zapaltzeko
errex da esaten
denak ez gara horren
maltzurrak izaten.

Baina gaur esnatu naiz
atzo ez bezala
erantzi behar dizut
otsoen azala.
Beldurrezko ipuinak 
libre utz nazala 
jolastu zaitezte zu
(e)ta zure itzala.

Zure mespretxu keinu
ta burlazko hitzen
oihartzunen taupadak
ez zaizkit isiltzen.
Izuak nau ahultzen,
eta lotsak biltzen
bizitzeko gogorik
ez baitzait gelditzen.

Txorimaloburua
zoaz baratzera!
Eta zu salbatzeko
inor zapaltzera
ez zaitez niregana
etorri atzera
zoaz zure ikarak
madarikatzera.

Nerabezaroa da
nortasunen gerra
zu ni zapalduz egin
zaituzte liderra.
Besteen miresmenak
dakarzun plazerra
handia izango da
baina ez ederra.

Bakardade pixka bat
ongi datorkizu
nik ahizpa zaharrago bat
dudala jakizu
niri hark lagundu dit
ez izaten izu
zuri ere norbaitek
lagunduko dizu.

Eskola-jazarpena – Txorimaloburuak

Txorimaloburuak

1. Arretaz beha iezaiezu aditzei. Zer pertsonatan jokatuak dira?

2. Zure ustez nor da narratzailea?

3. Zer egiten dio amak narratzaileari?

4. Zergatik eskolan ikaragarri bihurtzen da narratzailea?

5. Nor deitzen du “panpintxo galdua” narratzaileak?

6. Zer aholku ematen dio narratzaileak jazarpena sufritzen duen pertsonari?

Lore beldurtuak

7. Zer pertsonatan jokatuak dira aditzak bertso horietan?

8. Zure ustez, nor da orain narratzailea?

9. Zergatik ez ditu besteak zapaldu nahi pasarte horren narratzaileak?

10. Zer sentimendu adierazten ditu narratzaileak bigarren estrofan?

11. Zer egin du jazarleak liderra izateko, narratzailearen ustez?

12. Laugarren bertsoan narratzaileak erraten du “erantzi behar dizut otsoen azala”. Zure ustez, zer erran nahi du erran-molde horrek?

13. Zerekin du narratzaileak jazarlea konparatzen?

14. Nork lagundu du narratzailea beldur ez izaten?

15. Irakur ezazu arretaz azken estrofa. Zer da narratzailea, neska ala mutila? Nola dakizu?

Izena

Deitura

Course Features

Activities B2 maila

B2 – Bertsoa: Txorimaloburua

Overview

Amets Arzallus Antia bertsolariak idatzi dituen bertsoak irakurri ondoan, galderei erantzun iezaiezu.

Txorimaloburuak

Lore beldurtuak

Course Features

You May Like

A2 – Mikel Laboa eta Daniel Landart Zure begiek

A2 – Xalbador eta Jojo eta Ramuntxo Neskatoa haur beharretan

A2 – Izaro Paris

A2 – Mikel Laboa Ama

B1 – Janus Lester Maitasuna tabu

Course Features

Modal title