B1 – Guy de Maupassant Mendekua 1. partea

Mendekua, 1. partea

Paul Saveriniren alarguna bere semearekin bizi da Korsika irlako Bonifacio herrian. Herrixka hau mendi baten hegalean eta itsasoaren ondo ondoan dago. Saveriniren andrearen etxea labarraren ertzean dago. Hiru leiho ditu eta hirurek itsasora buruz ematen dute. Han bizi dira bera eta Antony semea, Semillante izeneko xakurrarekin. Ile latzeko xakur handi argal hau ihiziko du Antony gazteak.

Arratsalde batean, Antony Saverini eta Nicolas Ravolati eztabaidatzen hasten dira. Eta eztabaidaren ondotik borroka gertatzen da. Halako batean, Nicolasek aizto bat atera eta Antony hiltzen du. Gero, nehork ikusi gabe, Sardiniara ihes egiten du.

Semea hilik ekartzen diotenean, alargun zaharrak ez du negarrik egiten. Semearen ondoan jartzen da eta hantxe gelditzen da luzaz, pentsakor eta isilik. Gero, bere esku zaharrak semearen gorpuaren gainean ezarri eta haren heriotza mendekatuko duela agintzen du. Ez du nehorekin egon nahi; bakarrik egon nahi du bere semearen ondoan.

Xakurrak ere bere jabearen ondoan egon nahi du. Buztana hanken artean sartua du eta jabeari begira dago. Ez du zaunkarik egiten; Saverini andrea bezala, isil-isilik dago. Amak mendekatuko duela agintzen dio berriz seme hilari. Une horretan, Semillante xakurra uluka hasten da. Ule luze beldurgarriak egiten ditu.

Herriko jendeak laster ahazten du, baina ama zaharrak ez du semearen heriotza ahazten. Gau eta egun vendettan du gogoa. Zoritxarrez, haren familiakoen artean ez dago gizonik vendetta burutzeko. Saverini andrearen etxetik Sardinia irla ikusten da itsasoaz bestaldean. Sardinian bada Longosardo izeneko herrixka bat, non gordetzen diren gaizkileak eta hiltzaileak. Andre alarguna goizetik arrats puntu ttipi horretara begira egoten da. Segur da Nicolas Ravolati han dela.

Mendekua, Ipuin beldurgarriak
Guy de Maupassant
Elkar argitaletxea, 2017
(Ikasek laburtua eta egokitua)