A2 – Irulegiko eskua

Irulegiko Eskua objektu arkeologikoa da, Nafarroako Irulegi mendian aurkitua. Burdin Arokoa da eta baskoien* mintzairako hitzak dituela uste dute zenbait adituk, testuaren lehenengo hitza Sorioneku gisa interpretatu baitute. Uste da, etxe sartzean ezarria zorte ona emateko edo agurtzeko erabilia.

Mattin Aiestaran Irulegi mendian lanean ari den arkeologia taldeburua da. Talde bereko Leire Malkorrak aurkitu zuen brontzezko pieza, 2021eko ekainaren 18an. Oraindik esku forma zuela jakin gabe ere, garrantzizkoa izan zitekeela pentsatuz, ingurua kontu handiz garbitu zuten eta prozesua filmatu.

2021eko uztailaren 13an, eskua Nafarroako Gobernuko agintarien ardurapean gelditu zen, indusketako beste pieza batzuekin batera, nehork ez zekiela idazkunik* bazuela.

2022ko urtarrilaren 18an, Carmen Usua zaharberritzaileak* garbiketa prozesuan antzeman zuen idatzia zela.

2022ko azaroaren 14an aurkeztu zuten prentsaren aitzinean Nafarroako Gobernuak eta Aranzadi zientzia elkarteak.

Hiztegia:

Baskoi: antzinateko tribu bat, gaurko Euskal Herri aldean bizi zena

Idazkun: inskripzio

Zaharberritzaile: arte obrak berritzen dituen pertsona

https://eu.wikipedia.org/wiki/Irulegiko_Eskua

(Ikasek laburtua eta moldatua)