B2 – Urriaren 31ko gaua, Arimen gaua
IRAKURRIAREN ULERMENA – Argazkia: Orreagako kapera – © Gerd Eichmann
Overview
Testua irakurri ondoan, galderei erantzun iezaiezu.
Urriaren 31ko gaua Arimen gaua da. Gau horretan, bizidunengana hurbiltzen omen dira hilen arimak. Baina (horiek) ikusezinak dira. Orduan, arima herratuek1 beren presentziaren adierazten ikasi dute. Nola? Lehenik, harrabotsa eginez…
Nafarroa Beherean entzunen duzue hilen arimak etortzen direla ahaideez2 mendekatzeko edo gaizki eskuratu ondasunak jabe zuzenari berriz emanarazteko. Ez dira sekula ikusten, baina azantza egiten dute, noiz gela batean, noiz bestean, maizenean3 sukaldean. Ontziak inarrosten4 dituzte, batzuetan platerak lurrean paratzen5, lerroan.
Norbait hurbiltzen zaienean azantza gelditzen da eta beste leku batean hasten da, ezin
baita jakin nola galaraz. Arima herratuarekin mintzatzeko modua atzeman behar da, zer nahi duen jakiteko. Orduan auzo batzuen aholkua bilatzen da, isilean, beste inori deus salatu gabe erremedioa kausitu arte bederen. Askotan aski izaten da mezen ateratzea; bestela, mahai gainean kandela benedikatua, papera, tinta eta luma ezartzen dira, arimak bere nahia hartan idatz dezan; urte batez asteroko edo hileroko mezak eskatuko ditu segur aski, edo bizpahiru beila6 Jakara, Orreagara, Muskildiko San Antonira edo, antzina, Jondone Jakobera. Hori eginik, ez da gehiago deus entzunen etxean. Euskal Herrian oso hedatua da arima herratuen sinestea eta biziki bakanak7 holakorik ezagutu ez duten etxeak.
MICHEL, Francisque
Le Pays Basque: sa population, sa langue, ses moeurs, sa littérature.
Paris: Firmin Didot frères, 1857.
Anuntxi Arana euskal antropologoak euskaraturik.
ARANA, Anuntxi. Hilak gure artean.
Donostia: Elkar, 2015. 46. or. (Ikasek moldatua)
1. Arima herratu: (fr: âme errante, revenant.e)
2. Ahaide: familiako, (fr: membre de la famille)
3. Maiz: usu, (fr: souvent)
4. Inarrosi: astindu, (fr: secouer)
5. Paratu: ezarri, (fr: placer)
6. Beila: erromesaldi, (fr: pélerinage)
7. Bakan: guti, (fr: peu)
Irakasleendako baliabideak
Baliabide hauen deskargatzeko irakasle eta Ikasen bazkide izan behar zara.
Course Features
- Activities Arimen gaua
You May Like
A2 – Daniel Landart eta Mikel Laboa Zure begiek
ENTZUNAREN ULERMENA - Zure begiek kantua Daniel Landartek idatzia da eta Mikel Laboak musikatua.
B1 – Maixa eta Ixiar Iluntzean
ENTZUNAREN ULERMENA - Maixa eta Ixiar bikoteak izen bereko diskoan (Maixa eta Ixiar, 1993) plazaratu zuen Iluntzean kantuan entzunen duzu.
B1 – HertzainakAitormena
ENTZUNAREN ULERMENA - Hertzainak taldeak Aitormena kantua plazaratu zuen Amets prefabrikatuak izeneko diskoan (1990).
B1 – Ken Zazpi Ilargia
ENTZUNAREN ULERMENA - Ken Zazpi taldeak, Bidean izeneko diskoan (2003), Ilargia kantua argitaratu zuen.
Course Features
- Lectures 0
- Quizzes 0
- Maila Hizkuntza maila guziak
- Students 0
- Assessments Self