B2 – Aitaren etxea defendituko dut – Nor zen Gabriel Aresti?
IRAKURRIAREN ULERMENA
Overview
Gabriel Arestik idatzi Nire aitaren etxea defendituko dut olerkia irakurri ondoan, galderei erantzun iezaiezu.
Nire aitaren etxea
defendituko dut.
Otsoen kontra,
sikatearen* kontra,
lukurreriaren* kontra,
justiziaren kontra,
defenditu eginen dut
nire aitaren etxea.
Galduko ditut aziendak,
soloak*, pinudiak;
galduko ditut
korrituak*, errentak, interesak,
baina nire aitaren etxea defendituko dut.
Armak kenduko dizkidate,
eta eskuarekin defendituko dut
nire aitaren etxea;
eskuak ebakiko dizkidate,
eta besoarekin defendituko dut
nire aitaren etxea
besorik gabe, sorbaldarik gabe,
bularrik gabe
utziko naute,
eta arimarekin defendituko dut
nire aitaren etxea.
Ni hilen naiz,
nire arima galduko da,
nire askazia* galduko da,
baina nire aitaren etxeak
iraunen du zutik.
© Gabriel Aresti
http://www.susa-literatura.eus/emailuak/aresti/
Hiztegia
sikate: idorte, lehorte, igorte
lukurreria: maileguz ematen den dirutik ateratzen den gehiegizko korritua (fr: usure)
solo: soro, pentze
korritu: diru kapital mailegatuak epe jakin batean ematen duen etekina edo irabazia, interesa
askazi: ahaide, leinu, familiako.
Gabriel Aresti Segurola (Bilbo, Bizkaia, 1933ko urriaren 14a; Bilbo, 1975eko ekainaren 5a). Euskal idazle eta poeta zen. XX. mendeko euskal literatura berritu zuen, forma eta gai berriak asmatuz. Besteak beste, Gabriel Arestik poema sozial eta kritikoak idatzi zituen, Euskal Herriaren egoeraren salatzeko. Haren obrarik ezagunena Harri eta Herri da. Itxaropena argitaletxeak agerrarazi zuen 1964an.
Irakasleendako baliabideak
Baliabide hauen deskargatzeko irakasle eta Ikasen bazkide izan behar zara.
Course Features
- Activities B2 maila
You May Like
A2 – Daniel Landart eta Mikel Laboa Zure begiek
ENTZUNAREN ULERMENA - Zure begiek kantua Daniel Landartek idatzia da eta Mikel Laboak musikatua.
B1 – Maixa eta Ixiar Iluntzean
ENTZUNAREN ULERMENA - Maixa eta Ixiar bikoteak izen bereko diskoan (Maixa eta Ixiar, 1993) plazaratu zuen Iluntzean kantuan entzunen duzu.
B1 – HertzainakAitormena
ENTZUNAREN ULERMENA - Hertzainak taldeak Aitormena kantua plazaratu zuen Amets prefabrikatuak izeneko diskoan (1990).
B1 – Ken Zazpi Ilargia
ENTZUNAREN ULERMENA - Ken Zazpi taldeak, Bidean izeneko diskoan (2003), Ilargia kantua argitaratu zuen.
Course Features
- Lectures 0
- Quizzes 0
- Maila Hizkuntza maila guziak
- Students 0
- Assessments Self