B2 – Frantses gobernuak bi hartz askatuko ditu Pirinioetan hurrengo hilabetean
IRAKURRIAREN ULERMENA
Overview
Testua irakurri ondoan, erranaldiak osa itzazu proposamen egokia markatuz.
François de Rugyk berretsi du bi hartz eme Biarnoan askatzeko asmoa.
Eskualdeko auzapezekin bildu da Pauen eta herritar asko kontra agertu dira.
Neurriak kezka eragin du mendiko laborarien artean ere.
Frantses gobernuak bi hartz eme askatuko ditu Pirinioetan, Biarnoko eskualdean, mendi horietan bizi diren beste bi hartz arrekin elkar eta ugal daitezen. Hori baieztatu du François de Rugy Frantziako Ekologia ministroak. Gisa horretan, Nicolas Hulot aurreko ministroaren asmoei eutsiko diela jakinarazi du. Gobernuaren asmoak ez dituzte begi onez ikusi Pirinioetako laborariek. Hartz kopuruaren emendatzeak artzaintzari kalte egingo diola salatu dute.
De Rugyk azaldu duenez, Esloveniatik ekarraraziko dituzte Pirinioetan askatuko dituzten bi hartz emeak. Ministroak Pauen egin ditu adierazpen horiek, eskualdeko auzapezekin egin duen bileran.
Haietako askok hartzak askatzearen kontrako iritzia agertu dute, eta bileratik alde egin. Ministroak defendatu du hartz kopuruaren emendatzea bateragarri dela jarduera ekonomikoarekin. “Gure anbizioa naturaren babestea da, baita jarduera ekonomiko anitzen garatzea ere”.
De Rugyk nabarmendu du frantses gobernuak hartzaren presentziarekin bateragarri den plan berezia garatu duela abeltzaintza, turismo, ihizi eta oihan kudeaketa arloetan. Gogorarazi du plan horren diruztatzeko 3,4 milioi euro bideratu dituela. Plan horrek hobetzen ditu abeltzainen borden babesa, hartzen erasoen kalteen ordainketa eta artzainen telefono sarea. Horrez gain, hartz kopuruaren emendatzeak turismoa bultzatuko duela aurreikusten du.
Gaur egun, 37 hartz daude Pirinioen erdigunean, Ariege mendialdetik Garona Garaira. Beste bi banako daude Biarnon, hartz arrak, Aspe haranetik Ossaukora, Pirinio Garaietan. Cannellito da bi ar horietako bat, Pirinioetako hartzen azken ordezkaria, haren ama Cannelle 2004ko azaroan ihiztari batek hil zuenetik. Hartzak bi alditan askatu dituzte Pirinioetan azken hamarkadetan: 1996an eta 2006an.
Gorka Berasategi Otamendi 2018-09-20
(Ikasek moldatua)
Irakasleendako baliabideak
Baliabide hauen deskargatzeko irakasle eta Ikasen bazkide izan behar zara.
Course Features
- Activities Animalien alde
You May Like
B1 – Nolako amorosa zara?
ELKARRERAGINA - Binaka ariko zarete. Zuetarik bat etorkinak laguntzen dituen elkarte bateko arduraduna da, eta bestea boluntario gisa lan egiteko asmoz informazio bila etorri...
B1 – Armarriak
AHOZKO ADIERAZPENA - Kostaldeko herri batzuetan balea ihiziak izan zuen garrantzia ageri da haien armarrietan. Adibidez, baleak badira Hendaia (Lapurdi), Getaria (Lapurdi), Biarritz (Lapurdi),...
A2 – Arrantzalea Ternuara abian
ELKARRERAGINA - Binaka ariko zarete. Bata Ternuara balea harrapatzera joanen den arrantzalea da eta bestea familiako bat. Abiatzeko tenorea heldu da eta familiakoak bidaiari...
Course Features
- Lectures 0
- Quizzes 0
- Duration 10 weeks
- Maila Hizkuntza maila guziak
- Students 0
- Assessments Yes