B2 - Gipuzkoa - Kolegioko baliabide digitalak

Overview

Euskal Herria ezagutu gai osoa

Xalbadorren bertsoak irakurri ondoan estrofa eta dagokion izenburua lot itzazu.

1 – Zabalik ene dohain guzien atea,
zuretzat esker onez bihotza betea,
kantari natorkizu, Gipuzko maitea,
loreztatu baituzu ene izaitea.

2 – Ez dizut kantatuko zoin polita zeran,
ez nizuke egingo hartze duzun eran;
ene lanak argi hau daduka beregan:
gu biok elgarrentzat zer izanak geran.

3 – O, Donostia eta zure ingurua!
Zu gabe zer zitaiken enetzat mundua?
Iduri zaut artean nintzela galdua,
eta zutan aurkitu neronen burua.

4 – Beharrik zure garrez argitu nintzela,
saspetan fundituko bainintzan bertzela;
ni laudatzen nautenek jakin dezatela
nitan maite dutena zuri zor dutela.

5 – Bertsotan hasi eta hamar urte pasan
jardun nuen mendiko ikas molde basan;
agertu ninduena lehen aldiz plazan,
Gipuzkoako seme prestu bat izan zan.

6 – Hortik hedatu baitzen nitaz zerbait fama,
bide horrek ereman ninduen zugana.
Nola ez gorets egin derautazun lana,
daukadan nortasunak zu baitzaitu ama?

7 – Neure herrian eta herri auzoetan
etzen gusto haundirik ene bertsoetan;
abots hau galduko zen mendi besoetan,
hartu ez baninduzu zure besoetan.

8 – Gure herriaz triste nagon bakoitzean,
zertxobait alaitzen naiz zutaz oroitzean;
bizi naizen arte ta bai heriotzean,
argi egingo duzu ene bihotzean.